Friday, Mar 31st

Last update:01:09:50 PM GMT

Headlines:
You are here: DESPORTO Basket Bairro vence ABC e conquista Super Taça

Bairro vence ABC e conquista Super Taça

Na primêr jôg oficial dêss épuca, Bairro derrotá ABC -- campião em título -- ónt pa dez ponto de diferença, 69 - 59 e él ganhá Super Taça.

 

Pa esse jôg, Bairro de técnico Hélio Africano apresentá kuat reforço, internaciunais Fidel (ex-ABC), Marito (ex-1º de Agosto de Angola --, Titó e Baca (ex-Ponta de Água) e que juntá á Tchesco, Da Rosa, Yaka, Sté, Michel, Ivalto e Djoca que transitá de épuca anterior.

 

Já ABC de Adilson Monteiro que fui ileito Amdjor Treinador de épuca anterior, manté sé extrutura que Lucas, Alexis, Vavuca, Hendri, Dani, Tó, Marco, Fredi e Samir e a esh juntá Big (ex-Bairro), Kuca e Ricardo que voltá pôs dum passagem pa Seven Stars.

 

Num jogo arbitrôd pa Evandro Mendes (Pepé), Domingos Tavares (Mingo) e José Garcia (Obama), ABC terminá ta ganhá primêr dez minuto, pa 19 - 16, kum cesto de Vavuca sob apito final, dpôs de ressalto dum lançamento de Samir.

 

Na segundo dez, ABC kei de produção el passá ta errá tcheu lançamento e el passá 6 minuto e 4 segundo sem anotá nenhum ponto. Bairro pruveitá pa dá volta na marcador e nêss mumento Fidel que dôs triplo e Tchesco que más um ampliá vantagem.


Nêss período, Kuca de ABC fui destque dôs vez: Um pa negativa, kônd él cometé falta anti-desportiva contra jovem Sté e ót pa pusitiva, kônd el dá um Dunk, el fazé ponto 27 e adeptos pó ta gritá sé nome. Jôg bai pa intervalo que placar de: Bairro 39 - ABC 30.

 

Na segunda parte, Bairro ka dá ABC chance, el bai ta geri vantagem e inda treinador Hélio Africano pruveitá pa rodá alguns jugador, moda kes dôs reforço que tchegá de Ponta de Água. Base Titó e poste Baca.


 

Adicionar comentário


Código de segurança
Atualizar

 

JoomSport Season Table

 

A

Team
Wins DRAW Lost Points
1 Académica do Porto Novo [SA] 0 0 0 0

B

Team
Wins DRAW Lost Points
1 Mindelense [SV] 0 0 0 0